Hoxe o dia ven cargado de novas. E non todo é do máis favorábel para a nosa causa. Por unha banda tiñamos a confirmación de que o vindeiro 26 de maio, mércores, no local social de A FAISCA haberá unha nova charla-coloquio dos compañeiros Manuel González Moreira, e Cándido Gonçálves.
Tamen sabemos de propostas concretas para facer unha marcha sobre Santiago. Hai datas enriba da mesa, aínda que pendentes de ser reafirmadas ou confirmadas pola Xunta de Persoal. Tamén falase dunha grande manifestación, a nivel nacional. En Compostela.
Contra do que poida parecer esta a verse movemento e gañas de facer moitas máis cousas. Non podemos deixar un minuto de relax, nesta loita.
A noticia adversa é que se fala de que pode abrirse xa o prazo para a licitación do novo hospital. Compre ter calma, máis non en demasía. Hai de dar pasos, e firmes.
A loita non vai rematar cunha licitación, evidentemente; máis o período estival non pode xogar na nosa contra. Da a impresión de que se está a agardar por este período para collernos coa garda baixa. Lembrarnos que o 2 do sete de 2009 tras dunha pancarta eramos só cinco persoas.
A señora Farjas o sabe, porque ela atreveuse a vir onde nós e saudarnos un a un, darnos a man e perguntarnos en que centro traballabamos cada un.
E tempo de arma-la! Neste momento do partido non son minutos da basura, nen é o xogo de contemporizar. E tempo de darlle máis chicha ó conflicto, para que vexan que ambente teñen e terán aqueles e aquelas que apostan decididamente por unha sanidade privada. E tí? Que vas facer? Eu o teño ben claro. Loitar ate vencer!
No hay comentarios:
Publicar un comentario