Hoxe recuperamos unha situación que hai dous días era tremenda. Coa asemblea organizada pola CIG tivemos a oportunidade de lles manifestar cal eran as cousas que non nos estaban a gostar das asembleas que a xunta de persoal viña celebrando. Tomaron nota e agardaremos resultados. A groso modo, pedimos democracia directa, sen tutelas de ningún "sabio". O poder á asemblea. Que en definitiva somos todolos traballadores e traballadoras afectados e afectadas.
A asemblea foi para cociña e lencería. Pronto haberá para os demais colectivos, porque a idea é facer moitas e reducidas. Ter contacto directo e participación, coma hoxe aconteceu.
Pensamos, humildemente, que fomos quen de reconducir unha situación moi fea e desagradábel, donde non tiñamos máis que perder e perder.
Agradecerlle á CIG o seu xesto, o mesmo que ós traballadores e traballadoras a súa asistencia e a súa participación.
Entre todos e todas temos de polo barco en rumbo, con paso firme cara a bon porto. Hai tripulación para elo e aínda que coa mar brava, temos de navegar cara unha sanidade pública. Adiante. Arriade as velas!
No hay comentarios:
Publicar un comentario